No skal våren kome

Snøen låg fortsatt i store haugar på plenen, 

då eg fekk føre meg at våren skulle kome...

 ...og den kom, etterkvart som eg fekk ordna rundt meg <3

Treskoa er klar til bruk...

...og greiner er tekne inn ( fulle av knoppar), 

perleblomst og påskelilje-løkar er planta i Norgesglas

...og gjenbruks-påskehønene har "flytta inn".

God påske!

ANE

Kvinnedagen

GRATULERER MED DAGEN!

Eg kjenner to flotte damer som har bursdag i dag

- ei ung

& 

- ei midt i livet

Begge to er herlege på sine spesielle måtar.

Eg feira 8. mars med ski på beina,

med ein liten tur innom hytta for å ete lunsjpakken

- ilag med Roffen & mannen min, - 

og avslutta dagen ilag med sonen min

( som er heime berre i dag)

 og veslejenta 

( som ikkje er så lita lenger). 

Den mellomste jenta er på stortur i utlandet ( 7 veker).

Eg kjenner meg så rik,-

når eg kjenner denne lukkekjensla ved å gå på ski,- 

kjenne sola varme meg på kinnet,-

sjå korleis hunden nyt friheita,

 og smiler til meg der han spring tulling i snøen,-

gå der i lag med mannen min, 

i stilla,-

og berre høyre stavane i snøen når skia gli på silkeføret.

Rik,-

når eg kokar kaffien på primus,-

og nyt kaffien ilag med nista heimanfrå,-

i den lune gode kråa ved hytteveggen.

<3

Det var min 

KVINNEDAG!

Eg er heldig som får ha det slik <3

Klem frå 

ANE

Nyfiken

Nyfiken!

Å vere nyfiken gjev deg lengre liv...

Det er 104 åringen Dagny Carlsson som seier dette.

Ho lærte seg data då ho var 99 år, og oppretta denne bloggen

Bojan

Takk og pris for at eg er så nyskjerrig som eg er...

...nyskjerrig på ein god måte, 

vel og merke.

Ha ein fin laurdag!

ANE

Broderte puter

Eg eig fem broderte puter,

fire som er arva etter min mann si kjære tante <3

FRED over hennar minne <3

...

...om det var noko eg spesielt ville ha etter henne?

Det var mannen min sitt spørsmål, då han skulle rydde huset etter henne, ilag med alle som var så glad i henne <3

"BRODERTE PUTER",

sa eg...

Han kom heim med desse fire <3

Denne er eg mest begeistra for...

og har vorte hytteputa <3

Denne puta minner meg om barneforeiningstida...

( og svigermor mi meiner at hennar mor( som også er "tante" si mor ) - vann denne puta på ein basar...så kanskje eg har brodert den?)

Eg, og mange med meg fekk gå på "Barneforening" hjå Borghild ( og nokre andre elskverdige mødre), då eg gjekk på barneskulen. Eg meiner å hugse det var annankvar veke. Då fekk me lage mykje fint, som vart lodda ut på basar ein gong i året. 

Høgdepunktet! 

Etter som eg vart eldre, fekk me gå i "tenforening" ( for dei som var tenåringar). Det var ei fantastisk tid, og eg har ofte tenkt på den viktige "jobben"/ "kallet" desse mødrene hadde, for oss og for misjonen. 

Diverre er eg dårleg på å hugse, så er her lesarar som kan tilføre opplysning, så ver snill og del <3

...og ei "bestestove-pute"...

Denne puta er ganske so "sleta", men nydeleg <3

<3

Denne puta fann eg på SUFH sin loppemarked sist haust...den berre låg der og venta på meg <3

( eg betalte kr 30,- for den)

...og den passar perfekt i den nye Ikea-stolen min <3

<3

Dei tre neste putene er knipsa i svigermor si stove...

Som de forstår, er eg "besatt" av gamle broderte puter...dei har ei historie å fortelje...

Er det fleire som kjenner det slik?

Ha ei fin helg <3

Klem frå ANE

Garnkuler

Garnkule - bitting

Eg besøkte min gode læremeister i går...

og fekk både inspirasjon til å fortsette, 

ny forsyning med tau og kuler :)

...og her er eg i full sving med ei kule, 

som i starten ikkje er så enkelt, 

men så går det rimeleg greit...

...og etter mange timar 

( eg er utrent), 

så er kula ferdig.

Eg har tre kuler til i same størrelse.

Deretter blir det tynnare tau, 

og mindre kuler.

Eg skal prøve meg på ny bitting også.

Øving gjer meister!

Eg kjenner meg så heldig som har fått denne muligheita til å lære... Det er diverre ikkje mange som kan dette i dagens samfunn, eller? Kan du, eller kjenner du nokon som kan?

Ha ein fin kveld <3

ANE

LUKKE eller lykke

LUKKE

- å ha ei lita hytte <3

...som eg berre kan kome til...

...fyre opp i omnen...

...koke kaffien på primus...

...og berre sette meg ned...

...nyte nykokt kaffe, og ete nista mi, sjokolade, skrive i "hytteboka", lese ei bok, hekle nokre maskar - om eg vil, når eg vil, viss eg har lyst...

...og kike ut gjennom glaset, bruke kikert( om eg vil), 

sjå sola kike fram...

og som freistar meg ut på gåtur ilag med Roffen...

...varme opp kaffien på omnen når eg kjem heim frå gåtur...

...og nyte ein liten påtår på "trammen"...

det er faktisk 

LUKKE 

<3

GARNKULER

Garnkuler

Eit par veker før jul, var eg på sjukehuset i høve eit besøk... 

Eg møtte på eit par - kjenningar frå bygda.

Han hadde ein hobby/ lidenskap - 

GARNKULER,

knyte garnkuler, 

"bitte" garnkuler, 

eller kva kallar ein slikt?

Eg fekk denne garnkula, og lovnad om opplæring i garnkule-bitting/ knyting...

Eg vart so glad...for dette har eg etterlyst...nokon som kan lære frå seg handverket.

No skulle eg få lære det, og kjende det som om eg hadde vunne i lotto.

Eg har samla på kuler i mange år, og nokre har ikkje tauverk, 

medan andre...

...har tau...

...og ei ( og fleire) som er i ferd med å miste tauverket sitt...

 Sist veke var eg på besøk hos læremeister...

Stolt, glad og audmjuk kan eg vise fram mi første garnkule, 

som læremeister og eg har laga ilag <3

Her held eg på å spleise tauendar, 

noko som er veldig viktig å kunne, 

dersom ein skal "bitte"garnkule...

Øving gjer meister, så her er det stor aktivitet

I dag laga eg mi eiga garnkule, heilt åleine...

Eg er STOLT!

Medan eg laga dette, 

skreiv eg stikkord for framgangsmåte, 

tok bilder for dokumentasjon og som skal vere mi hugseliste vidare...

No kan eg spleise tau og "bitte" garnkule - iallfall denne type "bitting". Det finst ulike typer, og neste kursdag, blir det anna type "bitting". Eg gler meg allereie til neste gong.

Eg er snart klar for å lære frå meg vidare, og dersom nokon vil lære, så ta kontakt ;)
Elles er eg interessert i garnkuler...om nokon skulle ha liggande slikt...

Ha ein fin laurdagkveld der du er <3

Klem frå ANE