lørdag 20. februar 2021

HJØRGOT med vidio-påddkast

 HJØRGOT er i farta igjen! 

Etter at ho har sett og høyrt nokre podcastar, kastar ho seg uti "vidio-påddkast" utan å mukke... 



Her har ho rigga seg til...


...og som "alle" andre, har ho "manuskript"... Her skriv ho ned det ho skal seie...men seier mykje meir enn det som står skrive...


Dette "håseparet" fekk ikkje nok garn, og måtte skøytast på med ein rest frå "kårja" si.


Med litt hoste, hjelp det med ein "styrketår"...


Desse klutane er hekla i teknikken C2C - hjørne til hjørne,  og som ho har kursa oss i før... Det ligg "vidiokurs" på sida hennar.


Vevstrikk er "fole pænt" - "heilt nydli", som dei seier på "påddanje"


Kvalitetsgarn til "håse", "de ekje nåke tollj".


På "ennj ta påddanje" fortel ei om å teikne "sklisikring" under sokkane... 
Det må ho kanskje kjøpe seg...


"Koftå" er strikka av mor hennar, og heiter Jonsrud. Den "ervde" ho etter far sin...


...og er nokså tynnsliten på ermebrotet. Ho ber om tips til å reparere!


I finevæskå si har ho kamferdrops og munnbind, i tilfelle ho treng det...


Og nett denne finevæskå er kjøpt på "broktenj".


Ho har ikkje tru på desse bretta ein måler pinnetjukkelse på. Nei, her er det berre skyvelære som tel!

Dersom du vil, kan du følge HJØRGOT på Facebook. Ho har si eiga side der! Ho er ikkje so aktiv, men har seg ei runde no og då...alt etter korleis "forma" er. No er ho "på stigande", enn so lenge...
 No ligg det ute ein "vidio-påddkast", som ho kallar det, etter inspirasjon frå andre påddar.

Ha ei fin helg!

Klem frå fruANE<3


mandag 15. februar 2021

VENTESTRIKK


Ventestrikk og fergestrikk...


I dag hadde eg time til mammografi i Ålesund, på sjukehuset...og tenkte "sjå" kor mykje eg eigentleg klarte å strikke, medan eg venta.
1.bildet tok eg dei siste 10 minutta før eg drog heimanfrå.


Eg likar ha god tid til ferga, så det vart ca 10 minutt å vente her også...


...og ferga tok omlag 23 minutt...


På sjukehuset rakk eg berre å leite fram ventestrikket, før eg vart kalla inn... Eg kom inn før tida, sidan ei "Flø-dame" ikkje dukka opp. Kjappe og effektive damer, gjorde at eg var ferdig med heile undersøkinga, før eg eigentleg skulle inn... 

Så eg betalte berre kr 9,- for parkeringa :) heilt greit!


Sidan ei av mine beste veninner bur i området, hadde me toane avtalt å gå tur ilag...ein herleg 2,5 times tur på dei mange skogsstiane 
<3 <3 <3
Vel tilbake vart det nydeleg tomatsuppe m/ ciabatta attåt, strikk( ikkje ventestrikket, men sjå PANNEBAND, prat og kaffe&godkake
<3 <3 <3 
ein suuuuuper blåmandag... 

(Sjå om fastelavn her )


Eg køyrde rett "på ferga" heim, så ingen ventetid der...men på fergeturen vart det eit innhogg...

Det vart ca 12 cm ventestrikk...


I det siste har eg høyrt på podcasten 

Dei snakkar m.a. om "veskevott", eit slags ventestrikk...
Mine 12 cm dobbelt perlestrikk er utruleg kjedeleg, og skal bli 16 cm lenger...så alt monnar ;)

(Har du ein "strikkepodcast" som du kan framsnakke?

Ha ei fin fastetid, men først er det å bli ferdig med blåmandag...så kjem feitetysdag, før askeonsdag.

Klem frå fruANE<3



torsdag 11. februar 2021

PANNEBAND

 OPPSKRIFT PÅ PANNEBAND

Eg har brukt inspirasjon frå gensarar, vottar og huer - som eg har strikka tidlegare...

Eg brukar garn frå restegarnlageret...

Denne gongen Norsk Pelsull, frå Hillesvåg Ullvarefabrikk - sjå her

Legg opp 56 m., på liten rundpinne nr. 3,5 med grunnfargen ( her er det grått).


Strikk først to pinnar fram og tilbake, slik; 1.pinne: strikk 1 rett. *hent opp 1 m ved å føre den høgre pinnen under venstre pinne og hent opp garnet, 1 rett*, gjenta *-* ut pinnen = 111 mauskar.

2.pinne: *1 rett, 1 vrang*, gjenta *-* til det står att 1 m.

Herifrå skal pannebandet strikkast rundt, og før du gjer det, strikk siste og første mauske saman.

Strikk rundt med vrangmasukane i farge 2, og rettmauskane med grunnfargen heilt til du synest pannebandet er breitt nok... Prøv deg fram ;) 

Sidan eg held på med dette pannebandet no, vil eg kome med det ferdige resultatet etterkvart...og resten av oppskrifta... Får sjå korleis det blir til slutt :)

Her er hua...den vart til etterkvart den også...psst! Sjå fruANE på Instagram ;)

Ha ein fin kveld vidare <3

Klem frå fruANE <3

NB!

Sidan eg har laga eit nytt innlegg...sjå Ventestrikk må eg vise kor langt eg har kome på pannebandet her på bildet. Eg strikka på dette i dag, då eg var på besøk hjå mi kjære veninne Rigmor <3


Vrangborda vart ca 7 cm, med eit par omgongar vrangbord med grått, før eg laga ei "holbord" med *to rette saman, kast* omgongen ut... Slik blir det ein "brettekant" og rettstrikk i bakkant... Hugs då å skifte til tynnare pinne ( eg brukte pinne nr 3)


I dag, på sjølvaste feitetysdag, vart pannebandet ferdig - og klart til bruk.

onsdag 3. februar 2021

 Det er mest so hjarta sprengest, når eg får ta på meg skia...og berre gå...ei so stor lukke på jord <3


...og det har eg gjort nokre gongar i det siste...


Naturen gir so utruleg mykje næring til kroppen min, sjølv om både skuldre og hender verkjer...


Å stå slik og berre sjå utover, kjenne sola varme på ansiktet, og vinden stryke meg over kinna...<3


Å følge sit spor...


...kike framfor kanten...


Roffen er oftast med...


...som i dag, då løypene var litt harde...


Litt nistemat som me deler...


...og premien - etter slitet med å moke meg fram...


Perlå <3 mi <3


Eg er utruleg takknemleg for at eg likar gå på ski, og fordi det gir meg so stor glede <3

                                                                      Klem frå fruANE <3

mandag 1. februar 2021

Kinesisk nyttår

 12. februar er det Kinesisk nyttår, men me har feira det...

sidan Jonas skal på sjø når rette dagen er her...


På blomsterbutikken, "Løvens Hule" i Ulsteinvik- denne flotte blomsterbuketten er laga av Mayleen, til Sisi.  Eg ville gje henne ei lita oppmuntring <3 mellom anna fordi ho hadde fullført ein av sine eksamenar i Noreg <3
 Sisi er svigerdøtra vår, og kjem frå Shenzhen i Kina.

Sisi kom til Noreg i juli, etter nedstenging( som alle veit). I august starta ho på skule, for å lære seg norsk, og har vore flittig og særs flink <3  
Innimellom har ho teke køyretimar og lærekøyrt med Jonas og meg( når han har vore på sjø). Ho hadde sertifikat frå Kina, men måtte ha ei oppkøyring her, innan ei viss tid... I januar fekk ho sertifikatet!
Er det anna vente eg er stolt av henne? Eg må få skryte litt... 

Sjå  innlegg om gjenforening her: Sisi og Jonas



Fredag sat me altså benka rundt bordet hjå Sisi og Jonas, og fekk servert ekte Kinesiske rettar <3 
...verkeleg for mine ganer, altså...


Dette heng på vindauget vårt, og tyder: 
FEM
LYKKE 
BANKAR
DØRA
<3


Det er vanleg å gje kvarandre "RED POCKET". 
Det er ein konvolutt med ei pengegåve i...


Eg er så glad i, takknemleg og stolt av svigerdøtra vår <3 <3 <3

Klem frå fruANE <3